Rádjeavádaga maŋŋerájás johtin dárkkistuvvo. Rádjeavádat sihke gáržžiduvvo ja govddiduvvo. Muitte, ahte jođedettiin ferte álo čuovvut meahccái dahkkojuvvon merkejumiid. Rádjegozáhuslágádus beaiváda merkejumiid meahccái maŋemustá 31.3.2023.
Stáhtaráđi ásahus rádjeavádagas ja rádjeavádaga maŋŋerájás addojuvvon stáhtaráđi ásahusa 5 ja 6 § nuppástuhttimis bođii fápmui 15.6.2022.
Rádjeavádaga maŋŋerájás johtin dárkkistuvvo ja rádjeavádat gáržžiduvvo daid guovlluin, gos dat lea rádjeortnega ja -dorvvolašvuođa bajásdoallama dáfus vejolaš. Rádjeavádat govddiduvvo doalahan dihtii muhtin rádjestašuvnnaid lahkosis rádjeortnega ja -dorvvolašvuođa. Muhtin eará guovlluin rádjeavádat govddiduvvo álkidahttin dihtii merkejumiid áicama ja bajásdoallama.
Rádjegozáhuslágádus muittuha, ahte rádjeavádaga maŋŋerádjá manná Stáhtaráđi ásahusas namuhuvvon sajiid bokte nu go dat lea meahccái merkejuvvon. Jođedettiin berre nappo álo čuovvut meahccái dahkkojuvvon merkejumiid iige merkejumiid meroštallan maŋŋerájá oaččo rasttildit almmá áššáigullevaš rádjeavádatlobi haga. Maŋŋerájá johtin lea merkejuvvon bummaiguin, galbbaiguin dahje muoraide ja stoalppuide málejuvvon dahje giddejuvvon fiskes rieggáiguin.
Rádjegozáhuslágádus beaiváda merkejumiid meahccái maŋemustá 31.3.2023. Go merkejumit gárvánit, dat almmuhuvvojit Eanamihtidanlágádussii, mii doalvu daid digitála kártámateriálaide. Doppe diehtu lea geavahan láhkai ovdamearkka dihtii kansalaisen karttapaikka -applikašuvnna (riikkavuloža kártábáiki) bokte.
Lassidieđut rádjeavádagas ja rádjeavádatlobi ohcamis.
Rádjeavádatlobi | Rajavartiolaitos
Ásahusa maŋimuš nuppástusat (stáhtaráđi ásahus rádjeavádagas ja rádjeavádaga maŋŋerájás addojuvvon stáhtaráđi ásahusa 5 ja 6 § nuppástuhttimis, 416/2022) gávdnojit Finlex-siidduin.
Valtioneuvoston asetus rajavyöhykkeestä ja… 416/2022 - Säädökset alkuperäisinä - FINLEX ®
