Jus mátkkoštat Supmii agivuložin okto, de dus galgá leat mielde gustojeaddji mátkkoštanáššegirji, dego pássa dahje persovdnakoarta. Mii ávžžuhit, ahte du váhnemat čállet maiddái miehtanáššegirjji.
Váldde fárrui miehtanáššegirjji
'Váldde fárrui mátkkoštanáššegirjji lassin miehtanáššegirjji, mas boahtá ovdan, ahte dus lea lohpi mátkkoštit okto dahje geainna nu earáin go du váhnemiiguin dahje lágalaš fuolaheaddjiin. Mii ávžžuhit čállit miehtanáššegirjji, vaikko Suoma nationála láhkaásaheamis ii leat gáibádus sierra áššegirjjis, mainna addojuvvo fuolaheaddji lohpi máná mátkkošteapmái.
Miehtanáššegirji sáhttá leat friddjahámat, ja du fuolaheaddji sáhttá čállit dan ieš. Áššegirjjis lea buorre leat agivuloža dieđut, dieđut mátkkis sihke fuolaheaddjiid oktavuođadieđut ja vuolláičállosat.
Dárkkis čuozáhatstáhta ja fievrridanfitnodaga eaktudan mátkkoštangáibádusaid
Jus mátkkoštat Suomas olgoriikii, du ja du fuolaheaddji gánniha dárkkistit agivuloža guoski mátkkoštangáibádusaid maiddái čuozáhatriikka eiseválddiin.
Mii ávžžuhit, ahte dárkkistehpet maiddái fievrridanfitnodaga eaktudan mátkkoštangáibádusaid ovdal vuolgima. Ovdamearkka dihte máŋggat girdinfitnodagat gáibidit, ahte agivuložis lea virggálaš mátkkoštanlohpi, man várás girdinfitnodagain leat iežaset skovit.
