Suoma mearraguovlu lea mearrajohtolahkii hástaleaddji bođđuivuohta, bieđggus gáddelinjjá ja hástaleaddji dálvediliid dihtii. Suolodatlaš mearragátti fávllit leat bures ráhkaduvvon ja merkejuvvon, giddes rádárfierpmádat lea ollislaš ja lovssen bákkolaš. Investeremiin fuolakeahttá lihkohisvuođat ja lahka lean dilit dáhpáhuvvet ain viehka dávjá – lihkus daid váikkuhusat leat dávjá uhcit. Válmmašvuohta birasvahágiid duostundoaimmaide lea Suolodatmearas ja Suomaluovttas buorre, muhto hástaleaddji Čielgemeara, Mearačoddaga ja Mearrabađa guovlluin.
Geavahusas leat máŋggat mearrajohtolaga goziheaddji teknihkalaš vuogádagat vai riskkat vuoliduvvojit. Ovdamearkka dihtii eatnamis dáhpáhuvvan johtalusa stivren (VTS), dan doarju fatnasiid automáhtalaš dovddastanvuogádat (AIS), ja Suomaluovtta bákkolaš almmuhanvuogádat (GOFREP). Vuogádagaid ovddidit oppa áigge.
Fanasoljoluoittuid goziheapmi
Rádjagozáhuslágádus figgá eastadit eaktodáhtolaš oljoluoittuid goziheami vehkiin. Suopma vástida goziheamis oljoduostunovddasvástádusguovllustis, dahje ekonomalaš avádagamet rájás gitta gáddái.
Goziheapmi ollašuhttojuvvo eanaš guvttiin Dornier 228 -gozihangirdinmašiinnain. Mašiinnaid geavahit ovttaáigásaččat sihke rádjabearráigehččui ja birasbearráigehččui. Mašiinnat leat rustejuvvon gozihanrusttegiin, maid vehkiin mašiinna veahka hábme reálaáiggálaš gova mearraguovllusteamet ja vejolaš vieris ávdnasiin mat leat mearas. Goziheapmi beavttálmahttá oasistis Eurohpá Mearradorvvolašvuođadoaimmahaga (EMSA) CleanSeaNet – oljoluoittuid satelihttagozihanbálvalus.
Suomas lea geavahusas fanasoljoluoitomáksu, mii mearriduvvo oljju dahje oljodoalli seaguhusa lobihis luoitimis čáhcái. Rádjagozáhuslágádus dutká dáhpáhusaid ja mearrida mávssuid. Máksu mearriduvvo fatnasa oamasteaddjái dahje fanasisidii, fuolakeahttá das gii ovttaskas olmmoš dagahii luoittu fatnasis. Oljoluoitomávssu sturrodat mearrašuvvá luoittu meari ja fatnasa sturrodaga vuođul.
