Nuortameara guovllu mearrabirrasa suodjaleami guoskevaš oktasašsoahpamuša doibmiibidjama goziha Helssega kommišuvdna (HELCOM). Davviriikkaid duostunovttasbarggus lea sohppojuvvo ng. Köbenhámmana duostunovttasbargosoahpamušas. Davviriikkat leat maiddái soahpan ovttas Kanádain, Ruoššain ja Ovttastuvvon stáhtain oljovahágiid duostuma ovttasbarggus árktalaš guovllus. Lassin Suomas leat guovttigaskasaš soahpamušat oljoduostuma ovttasbarggus ovttas Ruoššain ja Estteeatnamiin.
Riikkaidgaskasaš mearrajohtolatorganisašuvnna (IMO) vuolde lea dahkkojuvvon soahpamuš oljoduostunválmmašvuođa ovddideamis ja ovttasdoaibmamis (OPRC). Soahpamuša oassebealit leat maiddái dohkkehan beavdegirjji kemikálavahágiid duostumis (OPRC-HNS beavdegirji). Eurohpá mearradorvvolašvuođadoaimmahat (EMSA) dievasmahttá EU-riikkaid duostunresurssaid oktasaš geavahussii oaivvilduvvon rusttegiiguin ja láigohuvvon duostunfatnasiiguin.
Vuolde lea listu Suoma dáfus eanemus mearkkašahtti soahpamušain, mat váikkuhit suoma ráhkkaneapmái ja doaibmanmálliide:
- Jagi 1990 riikkaidgaskasaš oktasašsoahpamuš oljovahágiid duostunválmmašvuođas, duostumis ja duostunovttasbarggus (IMO/OPRC) 1990 (SopS 32/1995, Finlex)
- Ovdalis máinnašuvvon oktasašsoahpamuša vullosaš beavdegirji: Várálaš ja vahátlaš ávdnasiid duostunovttasbarggu meara alde guoskevaš beavdegirji (IMO/OPRC-HNS) (Laki SopS 64/2015 ja ásahus ja soahpamušteaksta SopS 65/2015, Finlex)
- Nuortameara guovllu mearrabirrasa suodjaleami guoskevaš oktasašsoahpamuš (Helssega soahpamuš), 1992 (Ásahus ja álgoálgosaš soahpamušteaksta jagis 2000 SopS 2/2000, Soahpamuš ja mildosat beaiváduvvon suoidnemánus 2014)
- Soahpamuš Dánmárkku, Suoma, Islándda, Norgga ja Ruoŧa gaskkas ovttasbarggus oljju dahje earáid vahátlaš ávdnasiid dagahan meara billašuvvama duostumis, 1993 (Köbenhámmana duostunovttasbargosoahpamuš) (Láhka SopS 71/1998, ásahus SopS 72/1998, Finlex)
- Soahpamuš ovttasbarggus meara alde dáhpáhuvvan oljovahágiid duostunválmmašvuođas ja duostumis árktalaš guovllus (Stáhtaráđi ásahus SopS 15/2016))
- Suoma ja Estteeatnama gaskasaš oljoduostunsoahpamuš, 1993 (SopS 31/1995, Finlex)
- Suoma ja Ruošša gaskasaš oljoduostunsoahpamuš, 1989 (SopS 54/1990, Finlex)
- Riikkaidgaskasaš mearrajohtolatorganisašuvnna vullosaš eará soahpamušat:
- Oktasašsoahpamuš gaskiiboahtimis oljonuoskkidanlihkohisvuođain ábi alde (IMO/intervention), 1969 (SopS 62/1976, SopS 63/1976, Finlex)
- Ovdalis máinnašuvvon oktasašsoahpamuša vullosaš beavdegirji: Jagi 1973 beavdegirji gaskiiboahtimis ábi alde billašuvvandáhpáhusain earáid ávdnasiid go oljju dihtii (IMO/1973) (Láhka SopS 72/1986 ja soahpamuš SopS 74/1986,Finlex)