Rádjedárkkástusat mearkkašit rádjedorvvolašvuođa doalaheami várás čađahuvvon rádjerasttildeami dahje dan áigumuša vuođul ollašuhtton olbmo ja su gálvvuid ja fievrru dárkkisteami ja olbmuid gullama. Rádjedárkkástus čađahuvvo rádjerasttildanbáikkis, dahje johtolaga njuovžilvuođa dorvvasteami várás dahje eará ákkastallon siva vuođul almmolaš johtolagas geavahuvvon fievrrus dahje eará báikkis.

Rádjedárkkástusat eai dahkko nu gohčoduvvon sisrádjájohtolagas, mii mearkkaša johtima Schengen-guovllus. Suopma ja eará Davviriikkat guoskadišgohte Schengena njuolggadusaid 25.3.2001. Schengena njuolggadusaide searvan stáhtat čuvvot oktasaš olgorájá goziheami.