Čakčat 2023 álgán rusttegiiguin ollašuhtton riikii boahtin Suoma nuortarájás bisánii buot nuortarájá rádjerasttildanbáikkiid gidde mielde skábmamánus. Iđa goittotge joatkašuvai seammás go Suopma rabai oasi rádjerasttildanbáikkiin, ja Suopma giddii ođđasit olles nuortarájás 15.12.2023.
Mearrádusa mihttomearrin lei bissehit Suoma nuortarájás jođus lean njuolggadusaid vuostá lean rusttegiiguin ollašuhtton riikii boahtima ihtaga. Rádjegozáhuslágádusa ja eará virgeoapmahaččaid dahkan áicamiid ja ožžojuvvon dieđuid vuođul lea čielggas, ahte rusttegiiguin ollašuhtton riikii boahtin dáhpáhuvai maiddái vieris riikka virgeoapmahaččaid ja eará doaibmiid váikkuhusain. Ihtagii laktása maiddái riikkaidgaskasaš rihkolašvuohta.
Mearrádusa fápmuiboahtima maŋŋá rusttegiiguin ollašuhtton riikii boahtin Suoma nuortarájás lea gaskkalduvvan doaisttážii. Virgeoapmahaččaid čohkken dieđuid vuođul áitta ihtaga ođđasit álgimii ja viidumii ovdalis vásihuvvon vugiin lea jáhkehahtti. Iđa mielddisbuktá duođalaš áitaga almmolaš ortnegii ja našuvnnalaš dorvvolašvuhtii. Rusttegiiguin ollašuhtton riikii boahtima joatkašuvvan ii maiddái dorvvas riikii boahtima meannudeami áššáigullevašvuođa. Dán dihtii olles Suoma ja Ruošša gaskasaš eanarádjá lea giddejuvvon. Čáhcejohtalusa rádjerasttildanbáikkiid giddemis lustafanasjohtalusas ráhkkanit dasa, ahte giđa ovdánettiin rusttegiiguin ollašuhtton riikii boahtin sáhtašii leavvat maiddái čáhcejohtalussii. Dát livččii váralaš riikii figgan olbmuide ja noađuhivččii mearragádjuma.
Mearrádusa vuođđun lea rádjefáktenláhka, man mielde stáhtaráđđi sáhttá mearridit rádjerasttildanbáikki giddemis mearreáigái dahje gaskaboddosaččat, juos giddema lea dárbu dahkat duođalaš almmolaš ortnegii, álbmotlaš dorvvolašvuhtii dahje álbmotdearvvašvuhtii boahtán áitaga caggama dihte. Stáhtaráđđi sáhttá maiddái dárbbu mielde mearridit ahte riikkaidgaskasaš suodjaleami ohcamat guovdilastojuvvojit ovtta dahje máŋgga rádjerasttildanbáikái. (Rádjáfáktenláhka 16 §.)
Mearrádus lea fámus 15.4.2024 rájes.
Rádjerasttildanbáikkiid gidden
Suoma ja Ruošša gaskasaš eanarájás Imatra, Guossáma, Niirala, Nuijamaa, Rádjejovsseha, Salla, Vaalimaa ja Vartius rádjerasttildanbáikkit leat gitta doaisttážii.
Haapasaari, Nuijamaa hámmana ja Santio čáhcejohtalusa rádjerasttildanbáikkit leat giddejuvvon lustafanasjohtalus doaisttážii.
Riikkaidgaskasaš suodjaleami ohcan
Riikkaidgaskasaš suodjaleami ohcan guovdilastojuvvo rabas lean girdinjohtalusa ja čáhcejohtalusa rádjerasttildanbáikkiide.
Váikkuhusat rádjerasttildeaddjiide ja gávppálaš johtalussii
Suoma ja Ruošša gaskasaš rájá ii leat vejolaš rasttildit mearrádusa fápmoáiggi.
Mearrádus guoská maiddái eanarájá rasttildeaddji gávppálaš johtálusa. Spiehkastahkan Vainikkala ruovdemáđiijohtalus.
Nuijamaa hámmana rádjerasttildanbáikkis sáhttá dárbbu mielde váldit vuostá ráktafanasjohtalusa.
Maiddái Suoma riikkavuloš galgá geavahit rabas lean girdinjohtalusa ja čáhcejohtalusa rádjerasttildanbáikkiid.
Riikkaidgaskasaš suodjaleami ii sáhte ohcat Suoma ja Ruošša gaskasaš eanarájá rádjerasttildanbáikkiin.
Mearrádus ii váikkut Suomas eret vuolgimii. Juohkehaččas lea vuoigatvuohta vuolgit riikkas rádjerasttildanbáikkiid bokte mat leat rahpasat.
Lassedieđut rádjerasttildanbáikkiid birra: Oktavuohtadieđut | Rajavartiolaitos
