Bures boahtin Rádjemuseai!

Imatra Immola historjjálaš garnisovdnaguovllus lean Rádjemusea lea ođasmuvvan.

Ođđa vuođđočájáhus Suoma suodjaleaddjit - Rádjegozáhuslágádus rádjedorvvolašvuođa guovddážis ovdal ja dál leahkkasa álbmogii maŋŋebárgga 11. geassemánu 2024. Čájáhus lea rabas geasi áigge 3. borgemánu rádjai ja sotnabeaivve 11. borgemánu.

Čájáhus ovdána kronologalaččat Suoma iehčanasvuođa álgojagiin dálá Nato-Suoma áigái. Čájáhusa guovddážis leat rádjebearráigeahččiid iežas vásáhusat sierra áigodagain. Čájáhusas boahtá ovdan, mo rádjedorvvolašvuođabarggu leat dahkan, mat leamašan guđege áigge áitagat ja mo daidda leat figgan vástidit.

Rádjemusea muitala Rádjegozáhuslágádusas dorvvolašvuođavirgeoapmahažžan. Makkár diliin dat vuođđuduvvui ja mo otná dillái leat beassan.

Ođđa rádjemusea muitala buot dáid áššiin modeardna vugiin otnábeaivve čájáhusteknihka ávkkástallamiin. Ovdan buktet materiála ja sisdoaluid Rádjegozáhuslágádusa historjjás, maid ovdal eai leat buktá ovdan álbmogii. Dakkárat leat earret eará galbma soađi njuikejeaddji- ja spionáradáhpáhusat nuortarájás. Museagalledeaddjiide lea olu oaidninláhkái, muhto maiddái doaimmat: galledeaddji beassá ovdamearkan iskat, mo pássadárkkisteapmi lihkostuvvá.

Galledeaddjit galget almmuhit ovddalgihtii

Go musea lea garnisovdnaguovllus, váldit vuostá dušše ráddjejuvvon meari galledeaddjiid ja váldit vuhtii almmolaš dorvvolašvuođaáššiid. Dán dihtii galledeaddjit galget almmuhit ovddalgihtii.

Rádjemusea oktavuođadieđut ja galledanrávvagat

Rádjemuseas galledeapmi lea vejolaš golmma geasselávvardaga (15. geassemánu, 6. suoidnemánu ja 3. borgemánu). Musea ja rádjesoalddátruoktu leat rabas Niskapietiläntie museageaidnobeaivve, sotnabeaivve 11. borgemánu. Dalle museai ii dárbbaš almmuhit ovddalgihtii.

Bures boahtin Suoma eanemus modeardna virgeoapmahašmuseai!