Rádjegozáhuslágádus figgá dáhkidit neahttasiidduidis fáhtehahttivuođa digitálalaš bálvalusaid fállamis addojuvvon lága (306/2019) mielde.

Dát fáhtehahttivuođačilgehus lea dahkkojuvvon siiddus www.raja.fi. Čilgehus lea gárvvistuvvon 26.4.2022. Dán čilgehusas muitalit siiddu fáhtehahttivuođa dilis ja mat váilevašvuođat siiddu fáhtehahttivuođas leat ja mo sáhtát addit midjiide máhcahaga bálvalusa fáhtehahttivuođas. 

Fáhtehahttivuođa dilli

Mii leat árvvoštallan neahttabálvalusa fáhtehahttivuođa Siteimprove-bargoneavvu vehkiin. Árvvoštallama mielde siidu ii deavdde buot A- ja AA-dási fáhtehahttivuođakritearaid (WCAG 2.1). Siidui dahkkojuvvo oppa áigge fáhtehahttivuođadivvumiid ja dán barggu doarjjan lea Rádjegozáhuslágádusa áigeguovdilis fáhtehahttivuođaplána.

Neahttabálvalusa guovddáš váilevašvuođat leat govvejuvvon dán čilgehusas.

Jos du dárbbašan sisdoallu ii leat fáhtehahtti, váldde midjiide oktavuođa šleađgapoastta bokte: [email protected].

Ii-fáhtehahtti sisdoallu (WCAG 2.1 dásiid A & AA kritearaid mielde)

Govaid teakstavástádusat 

Siiddus leat govat, main váilu molssaevttolaš teaksta. Dákkáraš govat leat ovdamearkka dihtii mat nu ikonat, vektorgovat ja dábálaš govuhangovat. Nuppiin sániin neahttasiiddu lohkkit eai oaččo dihtosii govaid sisdoalu. (WCAG 1.1.1, 1.4.5) 

Kontrásttat

Teavstta ja duogášivnni kontrásta ii leat buot dáhpáhusain doarvái stuoris. Váttisvuođat leat omd. teakstasisdoaluin, deaddilanboaluin, soames govain ja aktiivvalaš čuozáhagaid deattuheamis. (WCAG 1.4.3, 1.4.5, 1.3.1) 

Navigeren veahkeheaddji teknologiijain

Siiddus leat liŋkkat teakstavástádusa haga. Liŋkka ulbmil sáhttá báhcit eahpečielggasin geavaheaddjái ovdal liŋkka rahpama. (WCAG 2.4.4)

Siidduin leat deaddilanboalut teakstavástádusa haga. Dalle veahkeheaddji teknologiija geavaheaddji galledeaddji ii sáhte geavahit govvan dahje govažin čájehuvvon deaddilanboaluid. (WCAG 4.1.2)

Neahttaskovi CAPTCHA-doaibma

CAPTCHA lea teavstta sisttisdoallan govva, man mihttomearri lea sihkkarastit, ahte sisdoalu geavaha olmmoš iige dihtor. Atte geažideami -siidu ii sisttisdoala molssaevttolaš CAPTCHA-hámiid. Dalle veahkeheaddji teknologiija ávkkástallan galledeaddji ii sáhte deavdit skovi. (WCAG 1.1.1)

Geažideami sáhttá addit maiddái Rádjegozáhuslágádusa geažidantelefovdnii juogo jietna-, teaksta- dahje multimediadiehtun. Ođđa čovdosat fáhtehahttivuođa buorideapmin ohccojuvvojit bálvalusa teknihkalaš joatkkaovddideamis.

Sosiála media

Siidu stivre Rádjegozáhuslágádusa hálddašan sosiála media kanálaide (Facebook, X (Twitter), Instagram, LinkedIn). Buot videosisdoaluin eai leat dekstemat eaige čilgendulkomat. (WCAG 1.2.2 ja 1.2.3)

Sosiála media govain molssaevttolaš teavsttaid (ng. alt-teavsttaid) jorgalusat váilot soames govain. Nuppiin sániin neahttasiiddu lohkkit eai oaččo dihtosii govaid sisdoalu. (WCAG 1.1.1, 1.4.5)

Sosiála medias seammá postemis sáhttet leat geavahan guovtte sierra giela. Dalle giela dovddasteamis sáhttet leat hástalusat geavahettiin neahttasiiddu lohkkiprográmmaid. (WCAG 3.1.1)

Haitari-čájehanvuohki

Haitari-elemeanttas guovttis dahje eanet siiddu elemeanttain lea seammá id-árvu. Dát oaivvilda dan, ahte siiddu lohkkiprográmma geavaheaddjái siiddu sierra elemeanttaid hierarkiijaid ádden sáhttá leat váttis. (WCAG 4.1.1)

Haitari-čájehanvugiin oaivvilduvvo siiddu sisdoalu, mas bajilčállosa dahje teavstta deaddilemiin dan vulobeallái rahpasa lasi teaksta dahje eará sisdoallu.

PDF-fiillat

Fiillain sáhttet leat govat ja skovádagat, main váilot teakstavástádusat. (WCAG 1.1.1)

Buot fiillain ii leat prográmmalaš struktuvra, goas siiddu lohkkiprográmma ii sáhte gávnnahit PDF-fiilla elemeanttaid dahje lohkanortnega. (WCAG 1.3.1)

Fiillain sáhttet leat váilevašvuođat bajilčállosiin, gielaid meroštallamiin ja metadieđuin. (WCAG 2.4.2) 

Fiillain sáhttet leat siiddu lohkkiprográmma hehttejeaddji váilevašvuođat hámis, ovdamearkka dihtii guorus ráđđamolsumat ja bajilčállosiid dásis merketmeahttun bajilčállosat. (WCAG 1.3.1)

Fiillaid tabeallastruktuvrrain sáhttet leat siiddu lohkkiprográmma hehttejeaddji váilevašvuođat, dego teavstta stellemii geavahuvvon tabeallastruktuvrrat, váilevaš prográmmalaš čuolddabajilčállosat ja seammasullasaš dieđuid juohkin máŋgga sierra tabellii. (WCAG 1.3.1) 

Fiillain sáhttet leat vuollečujuhusat, mat eai leat laktojuvvon tekstii ja daid dulkon sáhttá leat váttis lohkiprográmmii. (WCAG 1.3.1)

Sisdoallu, mii ii gula láhkaásaheami ollái

Čuovvovaš sisdoalut dahje doaimmat eai leat fáhtehahttit, dasgo láhkaásaheapmi, maid heivehat, ii govčča daid.

Siidu stivre Rádjegozáhuslágádusa hálddašan sosiála media kanálaide (Facebook, Twitter, Instagram, LinkedIn), gos gávdno ovdal 23.9.2020 almmustahtton videosisdoallu. Dákkáraš videosisdoalus ii leat teksten iige čilgendulkon. Árabut go 23.9.2020 almmustahtton videosisdoalu ii lága mielde dárbbaš dahkat máhccevaččat fáhtehahttin dahje váldit eret.

Neahttabálvalusas leat sisdoalut arkiivvas, dego dokumeanttat ja statistihka- ja dutkamušdieđut, mat eai leat fáhtehahttit buot osiin.

Ovdal 23.9.2019 arkiverejuvvon sisdollui ii heivehuvvo fáhtehahttivuođagáibádusaid.
Arkiverejuvvon neahttasiiddu dahje dan sisdoalu ii rievdaduvvo, ii beaiváduvvo, iige dat leat dárbbašlaš aktiivvalaš hálddahuslaš proseassaide.

Máhcahat ja oktavuođadieđut

Fuomášitgo váilevašvuođa fáhtehahttivuođas min neahttabálvalusas? Muital das midjiide ja mii figgat divvut váilevašvuođa nu jođánit go vejolaš. Jos sisdoallu man don dárbbašat, ii leat fáhtehahtti, váldde midjiide oktavuođa ja mii fállat dieđu fáhtehahtti hámis.

Váldde oktavuođa šleađgapoasttain: [email protected]. 

Raja.fi-siiddu fáhtehahttivuođas ja máhcahagaid gieđahallamis vástida gulahallan Rádjegozáhuslágádusas.

Fáhtehahttivuođa bearráigeahččan

Jos fuomášat siiddus váttisvuođaid fáhtehahttivuođas, atte vuos máhcahaga midjiide Rádjegozáhuslágádussii. Mii vástidit máhcahagaide guovtti (2) vahku siste máhcahaga addimis.

Jos it leat duđavaš min vástádussii, sáhtát addit máhcahaga Mátta-Suoma guovllustivrii. Mátta-Suoma guovllustivrra saavutettavuusvaatimukset.fi-siiddus muitalit, mo máhcahaga sáhttá dahkat ja mo ášši gieđahallojuvvo.

Bearráigeahčči virgeoapmahačča oktavuođadieđut

Mátta-Suoma guovllustivra, Fáhtehahttivuođa bearráigeahččama ovttadat
saavutettavuusvaatimukset.fi
[email protected]
guovddáš 0295 016 000