Rádjegozáhuslágádus doaibmá máŋgga suorggis ja dan doaimmain leat váikkuhusat viidát olbmuide ja birrasii. Dát addá buriid vejolašvuođaid ovddidit vásttolašvuođa ja ovdánumi dain surggiin, main Rádjegozáhuslágádus doaibmá.
Rádjegozáhuslágádusa vásttolašvuođaplánii leat válljejuvvon vihtta iešguđet mihttomeari vásttolašvuođa ektui. Mihttomearit leat čadnon ON:id suvdilis ovdánumi mihttomeriide, maid juksama čuovvun árvvoštallojuvvo mihttáriiguin. Plána ollašuhttojuvvo Rádjegozáhuslágádussii juolluduvvon návccaid olis oassin Rádjegozáhuslágádusa doaimmain.
ON:id suvdilis ovdánumi válljejuvvon mihttomearit:
- Mihttomearri 3 – Dearvvašvuohta ja buresveadjin
- Mihttomearri 12 – Vásttolaš golaheapmi
- Mihttomearri 13 - Dálkkádatdagut
- Mihttomearri 14 – Čázevuloš eallin
- Mihttomearri 16 - Ráffi, vuoiggalašvuohta ja buorre hálddahus
Vásttolašvuođa ja suvdilis ovdánumi mihttomeriid mieldásaš doaibmabijuiguin ja mihttomeriid juksama bokte Rádjegozáhuslágádus dorvvasta oasistis dásseárvosaš ja ovttaveardásaš bálvalusa olles Suomas, suodjala birrasa ja oassálastá čitnaluotta geahpedeapmái.
Suvdilis ovdánumi mihttomeriid dáfus guovddáš barggut leat earret eará rádjedorvvolašvuođabarggut, mat doalahit olbmuid dorvvolašvuođa ja dorvvolašvuođadovddu, ovttaveardásašvuođa ja vuoiggalašvuođa, ja mearragádjun, meara birasvahágiid dusten ja meahccebivddu ja guolásteami goziheapmi.
Rihkusdusten oasistis doalaha servodatráfi ja vuoiggalašvuođa. Bargoveaga ja vearjogeatnegas olbmuid skuvlenvuogádat doarju eallinagi oahppama, ovttaveardásašvuođa ja dásseárvvu ja maiddái ávkkástallá ođđa oahppanmetodaiguin.
