Máttanuorta-Suoma rádjerasttildansajiide leat boahtán borgemánu 2023 álggu rájes 91 olbmo geaid mátkkoštanáššegirjjit, mat gáibiduvvojit rádjerasttildeapmái, eai leat leamaš ortnegis. Olbmot leat rádjedárkkisteami oktavuođas ohcan dorvosaji Suomas. Mearri lea stuorát go dábálaččat.
Ovddemustá olbmuin lea váilon riikii boahtimii gáibiduvvon visum. Olbmot leat goalmmát riikkaid riikkavuložat ja geavahan Ruošša čađajohtimii.
Ovdalis Ruošša virgeoapmahaččat eai leat suovvan mátkkošteami Ruoššas Suoma rádjerasttildansajiide, jus mátkkošteaddjis eai leat leamaš dárbbašlaš mátkkoštanáššegirjjit. Maŋimuš mánotbajiid Ruošša virgeoapmahaččaid doaibman lea almmatge Máttanuorta-Suoma vuostálas rájá alde nuppástuvvan dan láhkai, ahte spiehkastahkan ovdalis sii leat suovvan mátkkošteami áššegirjeváilevašvuođain fuolakeahttá.
Rádjegozáhuslágádusa árvvoštallama mielde jearaldagas lea lágahis riikii boahtima iđa mas Supmii olbmot bohtet dáhtul almmá áššegirjjiid, mat gáibiduvvojit riikii boahtimii.
Lea jáhkehahtti, ahte ihtaga duohken lea maiddái riikkaidgaskasaš rihkolašvuohta. Meahccerájá alde lobihis rádjerasttildemiid mearri ii leat nuppástuvvan.
Seammalágan dáhpáhusat leat leamaš nuortarájá alde ovdalge erenoamážit dan maŋŋá, go Ruošša fallehii Ukraina. Dan čuovvumuššan gaskaboddosaš suodjaleami ohccit bohte riikii Ukrainas váilevaš áššegirjjiiguin.
Rádjegozáhuslágádus čuovvu dárkilit dili ovdáneami ja árvvoštallá ovttas eará dorvvolašvuođavirgeoapmahaččaiguin ihtaga luonddu ja váikkuhusaid ee. Suoma almmolaš ortnegii ja dorvvolašvuhtii. Dan árvvoštallama vuođul sáhttet dárbbu mielde álgit doaibmabijuide, maid láhkamearrádusat dahket vejolažžan.
