Ane dáid rávvagiid, go mátkkoštat Helsinki-Vantaa girdihámmana bokte.

Rávvagat leat fámus 12. golggotmánu 2025 rájes, go rádjerasttildandiehtovuogádat (EES) váldo atnui.

Automáhtalaš rádjedárkkisteapmi vuođđuduvvá mátkkošteaddji biometralaš identifiseremii. Sáhtát geavahit automáhtalaš rádjedárkkisteami, jos dus lea biometralaš pássa.

Automáhtalaš rádjedárkkisteami geavaheapmi

Vállje iežat dilálašvuođaid mielde rivttes ossodaga vuolábeale listtus.

Iešbálvalankioskka ja elektrovnnalaš poartta geavaheapmi

Iešbálvalankioskka geavaheapmi

Geahča dán video, mas oainnát, mo geavahit iešbálvalankioskka (Youtube.com).

  1. Vállje iežat giellaásahusa.
  2. Bija iežat pássa pássalohkki ala nu, ahte du govva lea lohkki guvlui.
  3. Váldde eret čalbmelásaid, nuola gahpira ja eará gárvolasáhusaid.
  4. Geahča kámerai, go dat váldá dus gova.
  5. Deaddil olgeš gieđa njeallje suorpma suorbmaluoddalohkki ala.
  6. Vástit gažaldagaide.
  7. Váldde pássat, go pássalohkki máhcaha dan.

Čuovo šearpma rávvagiid. Don láidestuvvot čađahit rádjedárkkisteami juogo e-portii dahje manuála pássadárkkisteapmái.

Elektrovnnalaš poartta geavaheapmi

Geahča dán video, mas oainnát, mo geavahit e-poartta (Youtube.com).

  1. Mana e-portii. Elektrovnnalaš poarttas sáhttá leat dušše okta olmmoš hávil.
  2. Bija iežat pássa pássalohkki ala nu, ahte du govva lea lohkki guvlui.
  3. Váldde eret čalbmelásaid, nuola gahpira ja eará gárvolasážiid.
  4. Geahča kámerai, go dat váldá dus gova.
  5. Váldde pássat, go pássalohkki máhcaha dan.
  6. Go dárkkisteapmi lea gárvvis, olgouksa rahpasa ja sáhtát mannat e-poarttas.
  7. Jos olgouksa ii rahpas, mana eret elektrovnnalaš poarttas ja sirdás manuála pássadárkkisteapmái.

Mátkkošteaddjit, geat dárbbašit lassedoarjaga dahje eai nagot dahkat iežaset dárkkisteami elektrovnnalaš poarttas, sáhttet sirdásit manuála pássadárkkisteapmái.

Rádjedárkkisteami lea dahkkon, go leat mannan elektrovnnalaš poarttas.