Перейти к содержимому

Koronapandemiijai laktáseaddji riikiiboahtima ráddjehusat Suoma olgorájáin 1.7. rájes

Julkaisuajankohta 20.6.2022 16.14 | Julkaistu suomeksi 27.6.2022 klo 9.36
Dieđáhus

Koronapandemiijai laktáseaddji riikiiboahtima ráddjehusat Suoma olgorájáin nohket 30.6. Dát mearkkaša, ahte Supmii boahtti goalmmát riikkaid mátkkošteaddjiin eai šat gáibiduvvo boahkuhus- dahje covid-19-teastaduođaštusat eaige rádjerasttildanbáikkiin dahkko koronateasttat. Dearvvašvuođavirgeoapmahaččat leat árvalan, ahte olgorájáide guoski ráddjehusaide eai leat šat dearvvašvuođalaš ákkat.

Rádjedárkkástusain máhccojuvvo dillái, mii lei ovdal koronapandemiija. EU ja Schengen-guovllu olggobealde boahtti mátkkošteaddjiin galget ain leat dábálaš mátkkoštanáššegirjjit dahjege pássa ja dárbbu mielde visum.

Go ráddjehusat váldojit eret, vuordit johtolaga lassánit goalmmát riikkain. Ovdamearkka dihtii nuortarájás johtolat sáhttá lassánit. Johtolatmeriide váikkuhit earret eará ruoššaid hállu mátkkoštit ja gustojeaddji visumiid mearri. Olgoministeriija mieđiha visumiid Supmii.

Ruošša ásahan rádjájohtolaga ráddjehusat 30.6. maŋŋá eai leat dál dieđus. Ruošša virgeoapmahaččain oažžu dáid birra aiddolaš dieđuid.

Rádjegozáhuslágádus čuovvu dás duohkoge rádjedorvvolašvuhtii laktáseaddji albmanusaid ovttas našuvnnalaš ja riikkaidgaskasaš guimmiiguin. Dorvvolašvuohta sihkkarastojuvvo earret eará visummeannudeamis ja rádjedárkkástusain. Suoma virgeoapmahaččain lea dávjá buorre áddejupmi riikiiboahttiin ja sin riikiiboahtima ulbmilis.
Sisrádjágoziheapmi nogai juo jagi álggus.

Visum Supmii | Olgoministeriija
Rádjedárkkástusat | Rádjegozáhuslágádus

Lassedieđut:

Rádjedárkkástusovttadaga hoavda evearsta Tuomas Laosmaa, tlf. 0295 421 000 (molssa), ovdanamma.sohkanamma(at)raja.fi

Sisministtar Krista Mikkonen sierraveahkki Jukka Vornanen, tlf. 040 593 6791, ovdanamma.sohkanamma(at)gov.fi