Suoma ja Norgga sihke Suoma ja Ruoŧa gaskasaš riikkarájá rájárasttildanbáikkiid rabasáiggit 15.2.2021 rájes

Stáhtaráđi 11.2.2021 dahkan mearrádusa mielde Suoma ja Ruoŧa sihke Suoma ja Norgga gaskasaš rájárasttildanbáikkiid rabasáiggiid ráddjen 15.2.2021 dmu 00:00 rájes.

Lappi rádjegozáhusa gozihan rájárasttildanbáikkiid ođđa rabasáiggit olmmošjohtolahkii 15.2. rájes leat čuovvovaččat:

• Suoma ja Norgga gaskasaš riikkarádjá dmu 9:00–21:00 Suoma áigi.
• Suoma ja Ruoŧa gaskasaš riikkarájás Gáresavvona, Kolari, Muonio ja Pello rájárasttildanbáikkit leat rabas dmu 7:00–21:00 Suoma áigi.

Ylitornio rájárasttildanbáiki lea rabas birrajándora, seamma láhkai Oarjja-Suoma mearragozáhusa gozihan Durdnosa rájárasttidanbáiki.

Gálvojohtolahkii buot rájárasttildanbáikkit leat rabas birrajándora.
 
Rájárasttildanbáikkiid rabasáiggiid olggobealde lobálaš olmmošjohtolat lea stáhtaráđi mearrádusa mielde:

• Suoma riikkavuložat dahje  Suoma orrunlobi adni olbmot, geain lea bargu rájá badjel johtima sivvan;

• Olgoriikalaš olbmot, geain lea 

  • servodaga doaibmama dahje fuolahussihkkarvuođa dáfus mearkkašahtti bargu, man ollašuhttin eaktuda nuppi riikkas boahtti olbmo dahje olbmuid bargonávcca iige bargu gierdda maŋŋoneami 

  • dearvvasvuođafuolahusa ja gádjundoaimma  bargoveahka (mielde maid vuosttasdikšu) sihke boarrásiidfuolahusa ámmátbargoveahka barggusteaset, eiseválddiid vealtameahttun virgedoaimmat 

  • fievrridan - ja logistihkkabargoveahka barggusteaset

  • diplomáhtat, riikkaidgaskasaš organisašuvnnaid bargoveahka, soalddátbargoveahka ja veahkkeorganisašuvnnaid bargoveahka barggusteaset

  • riikkaidgaskasaš ráđđádallamiidda oassálasti stáhtaid ovddasteaddjit ja riikkaidgaskasaš bargui oassálasti olbmot  

Dehalaš lea váldit vuhtii, ahte vuođđolágalaš vuoigatvuohta boahtit Supmii dahje vuolgit Suomas ii atte dakkárin vuoigatvuođa johtit rájárasttildanbáikkiid bokte daid rabasáiggiid olggobealde. Rájárasttildanbáikkit leat olmmošjohtolaga oasil rabas rabasáiggiid olggobealde dušše ovddabealde máinnašuvvon dáhpáhusain.

Rádjegozáhuslágádusa rávvagat riikii boahtti mátkkálaččaide

Dávjá jerrojuvvon áššit koronavirusa váikkuhusaid birra rájárasttildan-johtolahkii