Skip to Content

Riikii boahtima ráddjehusat čavgejuvvojit 27.1.

22.1.2021 20.35
Dieđáhus

Stáhtaráđđi mearridii 22. ođđajagimánu, ahte riikii boahtima ráddjehusat čavgejuvvojit Suomas. Ođđa ráddjehusat bohtet fápmui gaskavahku 27.1 ja bistet 25.2.rádjai. Nuppástusain figgat geahpedit rájá rastá boahtán johtalusa, vai eastit ođđa koronavirusvariánttaid leavvama. Suoma dávdadilli spiehkkasa čielgasit eará Schengen-riikkain, ná mátkkošteaddjiid mielde šaddan riska virusvariánttaid leavvamii lea fuopmášahtti.

Sisrájáin bargomátkejohtalusa ráddjejit dálážis

Sisrádjajohtalusain oaivvildit Suoma ja eará Schengen-guvlui gullan riikkaid gaskka dáhpáhuvvan johtalusa. 27.1. rájes Suopma ráddje riikii boahtima buot Schengen-riikkain. 

Sisrájá bokte boahtán bargomátkejohtalusas lea lobálaš dušše vealtameahttun bargomátkejohtalus Supmii. Olmmoš ii sáhte ieš meroštallat bargomátkkis vealtameahttunvuođa. Vealtameahttumin oaivvildat servodaga doaimmalašvuođa ja fuolahansihkkarvuođa dáfus dehálaš barggu, man ollašuhttin gáibida nuppi riikkas boahtán olbmo dahje olbmuid barggu iige bargu gierdda ádjáneami.

Bargo- ja ealáhusministeriija bajásdoallá listtu, masa leat meroštallan daid servodaga doaimmalašvuođa dahje fuolahansihkkarvuođa dáfus dehálaš bargguid. Listtu mielde krihtalaš bargu ii goittotge automáhtalaččat oaivvil riikii beassama. Bargoaddi galgá sierra skoviin ákkastallat, man dihtii Supmii boahtán bargi bargodoaibma lea krihtalaš ja dakkár, ahte bargu ii gierdda ádjáneami. Supmii figgan bargi čájeha skovi rádjadárkkistusas eará rádjarasttildeapmái gáibiduvvon áššegirjjiid lassin.

Nuppástusat eai váikkut Suomas olgoriikkas barggus fitnan olbmuide. Karanteana- ja testenávžžuhusat gusket maiddái olgoriikkas barggus johtán Suoma riikkavuložiid.

Riikii sáhttá boahtit vealtameahttun siva geažil

Riikii boahtin lea goittotge lobálaš dearvvašvuođafuolahusa ja gádjundoaimma bargoveagas (mielde maiddái vuosttasdikšun) ja boarrásiidfuolahusa ámmátolbmuin bargodoaimmaideasetguin; dávvirjohtalusa fievrridan- ja logistihkkabargoveaga bargodoaimmaideasetguin; ja virgeoapmahaččaid vealtameahttun virgedoaimmaideasetguin; diplomáhtain, riikkaidgaskasaš organisašuvnna bargoveagas, soalddátbargoveagas ja veahkkeorganisašuvnnaid bargoveagas bargodoaimmaideasetguin sihke riikkaidgaskasaš ráđđádallamiidda oassálastán stáhtaid ovddasteaddjiin ja riikkaidgaskasaš organisašuvnnaid bargui oassálastán olbmuin.

Olgoriikka riikkavuložiid riikii boahtin lea lobálaš maiddái vealtameahttun ja ákkastallojuvvon sivas. Dákkárat leat olgoriikalaš dieđihangaskaomiid ovddasteaddjiid riikii boahtin; jeavddalaš ruvttojohtalusa čađajohtin girdingiettis, giddodat, visti dahje lustaáigge visti Suomas opmodatordnemat Suomas ja olgoriikkas ássán Suoma riikkavuloža bearašlahtu riikii boahtin. 

Ráddjehusaid bires lean Schengen-riikkain ja muhtun eará riikkain (ráddjehusluohkká 1) olgoriikka riikkavuloža riikii boahtin lea lobálaš bákkuheaddji bearašsivain (ovdamearkan iežas máná riegádeapmi, lagašoapmahačča duođalaš buohcan, iežas heajat, servvoštallan), mánát ja vánhemat. Dása gullet maiddái vuohpat ja vuotnámat ja ádját ja áhkut. Dát oaivvilda, ahte ovdamearkan oappážiid dahje vilbeliid/oarpmeliid ii leat šat vejolaš boahtit deaivat fuolkevuođa vuođul.

Ráddjehusaid bires lean eará goalmmát riikkain (ráddjehusluohkká 2) riikii boahtin lea vejolaš bákkuheaddji bearašsivain (ovdamearkan iežas máná riegádeapmi, lagašoapmahačča duođalaš buohcan, iežas heajat, servvoštallan),

Stuđeren Suomas lea lobálaš riikii boahtima sivva ráddjehusaid bires lean Schengen-riikkain ja muhtun eará riikkain (ráddjehusluohkká 1).

Riikii boahtin lea ain lobálaš Suoma orrunlobiin mátkkoštan olbmui, riikkaidgaskasaš suodjaleami dárbbašan olbmui dahje muđuid humánatáralaš sivain mátkkošteaddjái ja bákkuheaddji persovnnalaš sivain.

Dihto sierrajoavkkuin lea vejolaš boahtit riikii. Sierrajoavkkut sisttisdollet ovdamearkan kultuvrra, valáštallama dahje ealáhuseallima ovddasteaddjiid. Sierrajoavkkuid guoskevaš ohcamušat sáddejuvvojit njuolga Rádjagozáhuslágádussii ([email protected]). Bovden bealli dahká ohcamuša.

Rádjaservošii gullan ii leat šat ágga riikii boahtimii

Ovddit mearrádus rievdaduvvo maiddái nu, ahte Suoma ja Ruoŧa dahje Suoma ja Norgga gaskkas lean eanarájá rádjaservošii gullan ii leat ágga riikii boahtimii. Geavatlaččat dát oaivvilda dušše earáid go Suoma riikkavuložiid. Suoma riikkavuložat ja Suomas ássán olbmot sáhttet ain rasttildit rájá vuođđolága vuođul.

Rádjaservošiid ássiin ii maiddái leat šat riekti rasttildit rájá eará go rádjarasttildanbáikkiid bokte. Dát nuppástus guoská maiddái Suoma riikkavuložiid, mat dás duohko galget rasttildit rájá mearrádusas nannejuvvon rádjarasttildanbáikkiid bokte. Ná dearvvašvuođavirgeoapmahaččain leat gokčavaš vejolašvuođat čuozihit dárbbašlaš dearvvašvuođadoaimmaid rádjarasttildeaddjiide. Ráddjehusat eai guoskka sápmelaččaid vuođđolágas oaivvilduvvon rivttiide hárjehit ealáhusas ja kultuvrras.

Olgorádjabearráigeahču ráddjehusaid fámus leahkin jotkojuvvo

Olgorádjajohtalusain oaivvildat Suoma ja Schengen-guvlui gulakeahtes goalmmát riikkaid gaskasaš johtalusa. 7.1. dahkkon mearrádusa fámus leahkin jotkojuvvo 25.2. rádjai. Mearrádus rievdaduvvo 27.1. rájes nu, ahte olgorádjajohtalusa ráddjehusat jávkaduvvojit Mátta-Korea ássiin Mátta-Koreas Supmii boahtán johtalusas.

Lassin Imatra rádjarasttildanbáiki giddejuvvo personjohtalusas 27.1.2021 rájes. Gálvojohtalus joatkašuvvá dábálaččat. Lappis oarje- ja davverájá rádjarasttildanbáikkiid rabasáiggiide sáhttet boahtit personjohtalussii guoskevaš nuppástusat.

Riikii boahtima ráddjehusat leat jo árabut jávkaduvvon Vatikánas Supmii boahtán johtalusas sihke Suoma ja  Austrália, Ruanda, Singapore, Tháilandda ja Ođđa-Sealándda gaskasaš johtalusas dáid riikkaid ássiid bokte.

Ráđđehus ávžžuha ain garvit dárbbašmeahttun mátkkošteami olgoriikkaide

Vuođđolága mielde Suoma riikkavuložis ja Suomas ássán olbmos lea álo riekti máhccat Supmii, ja juohkehaččas lea háliidettiin riekti vuolgit Suomas, jus dán rievtti eai leat lágain ráddjen. Ráđđehus goittotge ávžžuha ain garvit dárbbašmeahttun mátkkošteami olgoriikkaide, earret riikkaide, maid bokte leat luohpan riikii boahtima ráddjehusain. Mátkái vuolgán galgá ieš sihkkarastit čuozáhatriikka dan áigge riikii boahtima ja karanteanamearrádusaid.

Karanteana- ja testenávžžuhusaid galgá dárkkistit ovdal mátkki

Supmii boahtán mátkkošteaddji galgá váldit vuhtii Suoma karanteana- ja testenávžžuhusaid. Dáid dearvvašvuođadorvodoaimmaid rávve Dearvvašvuođa ja buresveadjima lágádus (DBL) Diehtu lea maiddái Finentry- bálvalusas.

Rádjagozáhuslágádus rávve rádjarasttildanjohtalusas  

Rádjagozáhuslágádus rávve riikkavuložiid rádjarasttildanjohtalusas telefovnnain ja šleađgapoasttain. Bálvalus lea oažžumis suoma-, ruoŧa- ja eŋgelasgillii 08.00-16.00 gaskkas nummiris 0295 420 100. Rávven lea oažžumis maiddái vahkuloahpaid áigge  23.1.-24.1.2021 diibmu 08.00-16.00. 

Jearaldagaid sáhttá maiddái sáddet šleađgapoasttain čujuhussii r[email protected] 

Rávvagat beaiváduvvojit virgeoapmahaččaid neahttasiidduide 27.1. rádjai.

Lassedieđut:

RÁdjagozáhuslágádusa riikkavuloštelefon: 0295 410 100 (vahkuoahpaid 23.-24.1. dmu 8-16, árgan klo 8-16) ja šleađgapoasttain: [email protected]

Raja - tiedote